🌻 “सङ्घर्षको गन्तव्य: हार नमान्ने एउटा साहसी यात्रा” 🌻===========================

युनिका अधिकारी एक सामान्य परिवारकी छोरी।

सपना ठुलो—नेपाल सरकारको सेवा गर्ने।

लोकसेवा तयारी गर्दैगर्दा जीवनले अर्को मोड लियो

—बिहे भयो। धेरैले भने, “अब त पढाइ गाह्रो हुन्छ… घर सम्हाल कि किताब?”

तर उनले दुवै सम्हालिन्।वैवाहिक जीवनको जिम्मेवारी, घरको काम, आफन्तको अपेक्षा—सबै बीच पनि किताबसँगको सम्बन्ध टुट्न दिइनन्। राती सबै सुतिसकेपछि मात्र उनको असली लडाइँ सुरु हुन्थ्यो।

पहिलो प्रयास—वैकल्पिक।

दोस्रो प्रयास—फेरि वैकल्पिक।

तेस्रो पटक पनि—फेरि त्यही नतिजा।

तीन–तीन पटक वैकल्पिक पर्दा मन रोयो, आँखा रसाए, आत्मविश्वास हल्लियो। तर एउटा कुरा कहिल्यै हल्लिएन

—उनको लक्ष्य।

सबैभन्दा ठूलो कुरा—उहाँका श्रीमान्‌को साथ।“तिमी सक्छौ, म छु त,” भन्ने एक वाक्यले उनलाई बारम्बार उठायो।सफलताको पछाडि केवल आफ्नै मेहनत मात्र होइन, साथ दिने हातको शक्ति पनि कति ठूलो हुन्छ भन्ने उनले महसुस गरिन्।आज उनी कोशी प्रदेश अन्तर्गत पाँचौँ तहमा कार्यरत छिन्। र हालै इलाम जिल्ला बाट खरिदारको लिखित परीक्षामा नाम निकालेर फेरि प्रमाणित गरिन्

—“लगातार असफलता अन्तिम निर्णय होइन,

निरन्तर प्रयास नै अन्तिम निर्णय हो।”उनको कथा केवल एउटा व्यक्तिको सफलता होइन, यो सन्देश हो—

✔️ बिहे सफलता रोक्ने कारण होइन।

✔️ वैकल्पिक अन्त्य होइन।

✔️ समय ढिलो हुन सक्छ, तर परिणाम पक्का आउँछ।

लोकसेवा तयारी गरिरहनुभएका सबै दाजुभाइ-दिदीबहिनीहरूलाई—यदि आज तपाईं थाक्नुभएको छ भने सम्झिनुहोस्,तीन–तीन पटक वैकल्पिक परेकी एक महिलाले हार मानिनन् भने तपाईंले किन मान्नु? पढाइको यात्रा एक्लो देखिए पनि, संघर्षको हरेक पाइलाले तपाईंलाई तपाईंको गन्तव्यतिर नै लगिरहेको हुन्छ। हार मान्नु सजिलो छ, तर टिकिरहनु नै बहादुरी हो। आज पढ्नुहोस्, भोलि पदमा बस्नुहोस्।

लोकसेवा केवल सफलताको परीक्षा होइन—यो धैर्य, अनुशासन र आत्मविश्वासको परीक्षा हो।

जसले अन्तिमसम्म टिक्छ, जित त्यसकोे नै हुन्छ।💪👏#hamrosagun #शैक्षिकसंग्रह #नयाँअपडेट